Nepali Diaspora Sports – The Great Commission

यो बर्ष पनि “अल्फा & ओमेगा” फुटसल टुर्नामेन्टले निरन्तरता पाउने !

४ अक्टोबर २०२३, सिड्नी

अस्ट्रेलियाको सिड्नीमा रहेका नेपाली मण्डलीहरु बीच यही अक्टोबर २२ का दिन दोश्रो बार्षिक “अल्फा & ओमेगा” एकदिवसीय 5A Side फूटसल टुर्नामेन्ट आयोजना हुने भएको छ।

अस्ट्रेलियामा रहेका नेपालीहरु बीच काम गर्ने ग्रेस नेपाली डायस्पोरा कम्युनिटी (GNDC) को आयोजनामा हुने प्रतियोगितामा ५ वटा सिड्नीकै मण्डलीहरु, क्यानबेराबाट दुईटा मण्डली, र एउटा आयोजक Grace को टिम गरि जम्मा १५ वटा टिम सहभागी हुने निश्चित भैसकेको GNDC का संयोजक अशोक शर्माले जानकारी दिनुभयो ।

प्रतियोगिताका खेलहरु Wetherhill Park भन्ने स्थानको Emerson Futsal Court मा हुनेछन । “प्रेम, एकता र भातृत्व” को नारा सहित आयोजित प्रतियोगितामा मण्डलीका अगुवाहरुको समेत सहभागिता रहने आयोजकले जनाएको छ ।

“अल्फा & ओमेगा” कप नाम दिईएको उक्त प्रतियोगिताको सह-प्रायोजन भने सिड्नी स्थित Zenith Migration ले गरेको छ।

नेपाली मण्डलीहरुको संयुक्त टोलिको 24th GNC football League खेल्ने सपना यसपाली पनि अधुरै

१३ नोवेम्बेर, सिड्नी । २४ औं गोर्खा नेप्लिज कम्युनिटी लिग अन्तरगत माइनर लिगको छनौटको प्लेअफ़ म्याच पराजित भए संगै ग्रेस नेपाली डाएस्पोरा कम्युनिटी (GNDC) को टिमको लिग खेल्ने सपना यसपाली पनि अधुरै रहेको छ।

चेस्टरहिल स्थित नोर्फोर्ड पार्कको फुटबल मैदानमा आज बिहान सम्पन्न म्याचमा चिर प्रतिद्वन्दी बोइज युनाईटेड क्लब संग २-० ले पराजित भएसंगै टिम ग्रेसको सपनामाथि तुषारापात भएको हो।

पर्याप्त अभ्यास र प्लेइङ्ग सेटले निरन्तर खेल्न नपाएकोले राम्रो खेल्नुको बाबजुद पनि टोलिले हर बेहोरेको नवनियुक्त कप्तान रामचन्द्र शाहीले बताए। खेल हारेतापनि खेलाडीहरुले राम्रो खेलेकोमा खुसि लागेको र टिमले अब निरन्तर अभ्यास र बिभिन्न प्रतियोगिताहरु पनि खेल्ने पुर्व कप्तान सरन क्षेत्रीले बताए।

अघिल्लो बर्ष सम्पन्न प्लेअफ़मा दोश्रो चरणमा पुग्न सफल भएको टिम ग्रेस यसपाली पहिलो चरणमै बाहिरिएको हो।

“प्रथम अल्फा & ओमेगा अन्तर-मण्डली 5 A Side फुट्सल प्रतियोगिता-२०२२” को उपाधि होसन्ना नेपाली मण्डलीलाई

सिड्नी- प्रसन राईको उत्कृष्ट प्रदर्शनमा “होसन्ना नेपाली मण्डलीको फुट्सल टिमले “प्रथम अल्फा & ओमेगा अन्तर-मण्डली 5 A Side फुट्सल प्रतियोगिता-२०२२को उपाधि जितेको छ। गत नोवेम्बेर ६, आईतबारको दिन सम्पन्न फाइनलमा टिम होसन्नाले UNCC नेपाली मण्डली लिभरपुललाई फाईनलमा २-१ ले हराउदै उपाधि हात पारेको हो।
अस्ट्रेलियामा रहेका नेपाली मण्डलीहरु बीच एकआपसमा भेटघाट, भातृव र सद्भाव कायम राखिराख्ने उद्देश्यले स्थापित भएको “ग्रेस नेपाली डाएस्पोरा कम्युनिटी” नामक संस्थाले आयोजना गरेको उक्त प्रतियोगितामा सिड्नीमा रहेका ७ वटा मण्डलीहरुबाट ११ र क्यानबेराबाट १ अनि आयोजकको १ टिम गरि जम्मा १३ टिमको सहभागिता रहेको थियो।
झन्डै १०० जनाजति खेलाडी र ८० जना जति समर्थकको उपस्थितिमा सम्पन्न भएको उक्त १ दिने प्रतियोगितामा प्राय: सबैजसो मण्डलीहरुका अगुवाहरुको पनि उपस्थिति थियो भने हिजग्लोरी नेपाली चर्चका अगुवा एल्डर अरुण लिम्बु र फाइनलमा पुग्न सफल UNCC मण्डलीका पास्टर अनिल श्रेष्ठ स्वयम खेलमैदानमा उत्रनु भएको थियो।
सिड्नी नेपाली मण्डलीले फेयर प्ले को उपाधि हात पार्दा, क्यानबेरा नेपाली मण्डलीले भने तेस्रो स्थानमा चित्त बुझायो। उच्च गोलकर्ता र बेस्ट डिफेन्डरको उपाधि होसन्नाकै क्रमश: प्रसन राई र अविनाश तामांग भए भने, बेस्ट प्लयेरको उपाधि क्यानबेरा मण्डलीका कमल नेपालीले जित्न सफल भए। UNCC लाई फाईनलसम्म पुर्याउन उच्च प्रदर्शन गरेका UNCC का गोलकिपर सागर पौडेलले जिते।

खेलको पुरुस्कार वितरण उपस्थित अगुवाहरुले पालैपालो एक-अर्काको टिमलाई प्रदान गर्नुभएको थियो भने बिजेताको ट्रफी सिड्नी नेपाली मण्डलीका पास्टर जीवन श्रेष्ठले होसन्ना मण्डलिका पास्टर अनिश रिमाललाई हस्तान्तरण गर्नुभएको थियो। ग्रेस नेपाली डाएस्पोरा कम्युनिटीका सदस्य सरन क्षेत्री र अमोन मगरले संचालन गर्नुभएको समापन समारोहमा प्रतियोगी र समर्थकहरुलाई धन्यबाद दिंदै ग्रेस नेपाली डाएस्पोरा कम्युनिटीका सचिव सिमोन भाटले यसप्रकारको एतिहासिक अवसरको साक्षी बन्न पाएको भन्दै सबै मण्डलीका सदस्यहरु र परमेश्वर प्रति धन्यबाद ज्ञापन गर्दै आउँदा दिन अझै यस्तै खालका कार्यक्रम आयोजना गर्ने प्रेरणा मिलेको बताउनु भयो। प्रतियोगिताको समापनमा आशिषको प्रार्थना गर्दै होसन्ना मण्डलीका पास्टर अनिश रिमालले यो प्रतियोगिताको माध्यमले सबैजनालाई एकैठाउँमा ल्याउन भूमिका खेलेकोमा खुसि व्यक्त गर्नुभयो। क्यानबेरा स्थित सभान्ना मोटर्सले मुख्य प्रायोजन गरेको उक्त कार्यक्रममा सिड्नी नेपाली मण्डलीले खाजाको स्टलको निम्ति व्यवस्था गरेको थियो।

प्रतियोगितामा सहभागी टिमहरुको नामावली :

१. ANCC नेपाली मण्डली, लिभरपुल- १ टिम

२. UNCC नेपाली मण्डली, लिभरपुल- २ टिम

३. हिजग्लोरी नेपाली मण्डली, ग्रयानभील- २ टिम

४. होसन्ना नेपाली मण्डली- अबर्न- २ टिम

५. सिड्नी नेपाली मण्डली- अबर्न- २ टिम

६. क्यानबेरा नेपाली मण्डली- १ टिम

७. अराईज एण्ड शाईन नेपाली मण्डली- रकडेल- १ टिम

८. ट्रिनिटी नेपाली मण्डली- हर्स्भिल- २ टिम

९. ग्रेस टिम (आयोजक)- १ टिम

कार्यक्रमको अन्त्यमा UNCC का पास्टर अनिल श्रेष्ठले अन्तिम प्रार्थना गरेसंगै कार्यक्रम टुंगिएको थियो।

नोभेम्बेर पहिलो साता सिड्नीमा पहिलो पटक नेपाली इसाई हरु बीच “अल्फा & ओमेगा कप” अन्तर-मण्डली फुटसल प्रतियोगिता आयोजना हुने !

२० अक्टोबर, सिड्नी

अस्ट्रेलियाको सिड्नीमा रहेका नेपाली मण्डलीहरु बीच यही नोवेम्बेर ६ का दिन एकदिवसीय 5A Side फूटसल टुर्नामेन्ट आयोजना हुने भएको छ।

अस्ट्रेलियामा रहेका नेपालीहरु बीच काम गर्ने ग्रेस नेपाली डायस्पोरा कम्युनिटी (GNDC) को आयोजनामा हुने प्रतियोगितामा ५ वटा सिड्नीकै मण्डलीहरु, एउटा क्यानबेराको मण्डली, र एउटा आयोजक Grace को टिम गरि जम्मा ११ वटा टिम सहभागी हुने निश्चित भैसकेको GNDC का संयोजक अशोक शर्माले जानकारी दिनुभयो

प्रतियोगिताका खेलहरु Wetherhill Park भन्ने स्थानको Emerson Futsal Court मा हुनेछन । “प्रेम, एकता र भातृत्व” को नारा सहित आयोजित प्रतियोगितामा मण्डलीका अगुवाहरु को समेत सहभागिता रहने आयोजकले जनाएको छ ।

“अल्फा & ओमेगा” कप नाम दिईएको उक्त प्रतियोगिताको मुख्य प्रायोजन भने क्यानबेरा स्थित “Savannah Motors Pty Ltd ले गरेको छ।

फुटबलमा नेपाली मण्डलीहरुको संयुक्त टोलि बिजयी !

०५ डिसेम्बर , सिड्नी । अस्ट्रेलियामा बसोबास गर्ने नेपाली समुदायहरु माझ बिगत २३ बर्ष देखि संचालित भैरहेको गोर्खा नेप्लिज कम्युनिटी लिग (GNC ) मा सिड्नीमा रहेका नेपाली मण्डलीहरुको एकीकृत टीमले आज भएको खेलमा बिजय हात पारेको छ। कुल ९ वटा टोलि सम्मिलित “जीएनसी माइनर लिग” को निम्ति गरिने छनौटको पहिलो चरणको खेलमा मण्डली टिम ‘ग्रेस नेपाली डायस्पोरा कम्युनिटी’ ले झापा सिड्नी फुटबल क्लब माथि ५-० ले जित हासिल गरेको हो। खेलपछि टिमका कप्तान सरन क्षेत्रीले ‘महानआज्ञा‘ टिमसंग कुरा गर्दै आउने १२ डिसेम्बरमा हुने छनौटको दोश्रो खेलमा राम्रो प्रदर्शन गर्ने बिश्वास रहेको बताए।

सिड्नीको चेस्टरहिल स्थित नोर्फोर्ड मैदानमा आज बिहान भएका अन्य खेलहरुमा “रातो र चन्द्र सुर्य फुटबल क्लब”, “काल भैरव फुटबल क्लब”, र “लुम्बिनी फुटबल क्लब” पनि पहिलो चरण मा बिजय भएका छन्।अब हुने खेलमा “ग्रेस नेपाली डायस्पोरा कम्युनिटी क्लब” र “रातो र चन्द्र सुर्य फुटबल क्लब” तथा “काल भैरव फुटबल क्लब” र अघिल्लो सिजनमा माइनर डिभिजनबाट रेलिगसनमा परेको “सेन्ट जोर्ज फुटबल क्लबबीच प्रतिस्पर्धा हुनेछ । त्यस्तै, “लुम्बिनी फुटबल क्लब” भने १ जित संगै माइनर लिगमा प्रवेश गरिसकेको छ।